ஆயுதம்ஃ

திக்கு தெரியாத காட்டில் -தமிழ்மணம் ஒரு பார்வை

2008-05-04T22:24:00.000-07:00

தமிழ்மண வலைப்பதிவு திரட்டி பதிவுகளை திரட்டுவது மட்டுமல்லாது அதற்கப்பால் வலைப்பதிவை பிரபலமாக்குதல் எளிதாக்குதல் பதிவர் ஒருவரின் இடுகையின் ஆயுட்காலத்தை நீடித்தல் எனறு இயங்கவதால் பதிவர்கள் வலைப்பதிவை அடிக்கடி பதிய தூண்டுதலாகவிருக்கிறது.

இந்த விடயத்தில் இந்திய மொழிகளில் மட்டுமல்லாது மற்றைய எல்லா மொழிகளை விட தமிழில் அதிகமாகவே பதிவதற்கும் திரட்டுவதற்கும் தமது பதிவை மற்றோர் முன் கொண்டுசெல்லவும் நிறைய வாய்ப்புகள் ஏற்படுத்தி கொடுக்கப்பட்டுள்ளது என்று கூட சொல்லலாம்.

தமிழ்வலைப்பதிவை முன்னோக்கி நகர்த்திய பெருமை தமிழ்மணத்திற்கு(காசி) உண்டு.
அதை தேங்க விடாமல் தொடர்ச்சியாக நகர்த்திகொண்டிருக்கும் நகர்த்திகொண்டிருந்த தமிழ்மண நிர்வாகத்தினர் மறறும் வலைப்பதிவு பட்டறை, பதிவா் சந்திப்புகள, மாற்று திரட்டிகள் என இயங்கிக்கொண்டிருக்கும் அனைவரும் நன்றிக்குரியவர்களே.

தமிழ்மணத்தின் புதியவடிவம் வளர்ந்துவரும் புதிய பல தொழில்நுட்பங்களை உள்வாங்கி வெளிவந்துள்ளது.

இதன் பின்னாலுள்ள கடினஉழைப்பு செலவிடப்பட்ட நேரம் மற்றோர் ஒத்துழைப்பு வித்தியாசமான சிந்தனை யாவும் புரிதலுக்கப்பால் அசத்துகிறது.

இந்தபுதிய வடிவத்தில் எனக்கு பிடித்த சில அம்சங்களை இங்கே குறிப்பிட விரும்புகிறேன்.

வழக்கம்போல் சூடான இடுகைகள் மீண்டும் தமிழ்மணத்தில் இடம்பெற்றிருப்பது

பின்னுாட்டங்களால் மடடும் வாழும் இடுகைகள் பின்னுாட்டமில்லாவிடினம் சூடான இடுகை மூலம் மேலும் பலரது கவனத்திற்குட்படுகிறது.ஒரு சில இடறல்களுக்காக முன்னர் அந்தப்பகுதியையே எடுத்திருந்தார்கள் என நினைக்கிறேன்..

அதே போல் மிக முக்கியமாக

இன்றைய பதிவர்கள் பகுதி...
புதிய இடுகைகள் முற்பகுதியில் பதிவுகளின் ஓட்டத்தில் காணாமல்போனாலும் நமக்கு தெரிந்த ஒரு பதிவரின் பதிவு இன்று வந்திருக்கிறது என்றுஅறிந்துஅதனை பார்க்க இது ஒரு வசதி.

மிகவும் பிரயோசனமான பகுதி.

அடுத்தது கேளிர் திரட்டி

தமிழ்மணத்தின் முன்பக்கத்தலேயே கேளிர் திரட்டி இடம்பிடித்தது.
தமிழ்மணத்தில் இன்னபிறகாரணங்களுக்காக இணையாதோரின் வலைப்பக்கம் கூட இதில் காட்டப்படுவதால் அந்தப்பதிவுகளைகூட தமிழ்மணத்திற்கு வரும் வாசகர்கள் தவறவிடாது படிக்கும் சந்தர்ப்பம் உண்டாகிறதுஇதில் காட்டப்படும் தொகை‌ 5 லிருந்து 10 ஆக அதிகரி த்தால் நன்று.

பதிவா்களுக்கு அவா்தம் முயற்சிகளை ஊக்குவித்து முதல்பக்கத்தில் விளம்பரப்படுத்தவது,
தேவையேற்படும் சந்தர்ப்பத்தில் ஒரு பதிவரின் வலைப்பக்கம் போகாமல் அவ்வலைப்பதிவாின் இடுகையை தமிழ்மண முதறபக்கத்தில் இருந்துகெண்டே pdf மூலம் படிக்குமு் வசதி
போன்றவை மேலும் குறிப்பிடக்கூடிய சில சிறப்பம்சங்கள்.

எங்கு போவது எதை பார்ப்பது எதை விடுவது என்பது இனி குழப்பமாகவிருக்ப்போகிறது.

மொத்தத்தில் தமிழ்மணத்தில் செலவிடும் நேரம் இனி அதிகரிக்கப்போகிறது.

விசேட பாராட்டுக்கள் சசி

எழுத்தாளர் செ.யோகநாதன் காலமானார்

2008-01-28T22:00:00.000-08:00

பிரபல எழுத்தாளர் செ.யோகநாதன் காலமானார்
ஈழத்தின் சிறந்த படைப்பாளிகளில் ஒரு வரான செ.யோகநாதன் தமது 66 ஆவது வயதில் நேற்றுக் காலமானார். இவர் தமிழ கத்திலும் நன்கு அறியப் பட்டவர்.
""கலைச்செல்வி'' பண்ணையில் வளர்ந்த இவர் பேராதனைப் பல்கலைக் கழகத்தில் 19601964 களில் முகிழ்த்த சிறுகதை எழுத்தாளர் குழு மத்தில் ஒருவர். பின்னர் தமிழக பத்திரி கைகளிலும் நிறைய எழுதியுள்ளார்.
இவரது முதலாவது சிறுகதைத் தொகுதி அவர் பல்கலைக் கழகத்தில் பயின்று கொண்டிருந்த வேளையிலேயே வெளி வந்துவிட்டது.அதன் பின்னர் ""கண்ணீர் விட்டே வளர்த்தோம்'' உட்பட தமது சிறுகதைத் தொகுதிகள் சிலவற்றை வெளியிட்டார். தமது குறுநாவல்களையும் மூன்று தொகுதிகளாக வெளியிட்டிருந்தார்.
தமிழகத்தில் வாழ்ந்த காலத்தில் ஈழத்து எழுத்தாளர்களின் சிறுகதைகளை இரண்டு தொகுதிகளாக வெளியிட்டு அவர்களை தமிழக வாசகர்களுக்கு அறிமு கப்படுத்தியவர்.
இவரது படைப்புக்களுக்கு இலங் கையில் மட்டுமன்றி தமிழகத்திலும் பரி சில்களும்,விருதுகளும் கிடைத்தன.
குழந்தை இலக்கியத்திலும் அதிக ஈடுபாடு காட்டிய செ.யோ அத்துறையில் பல நூல்களை எழுதியதுடன் மூன்று சிறுவர் சஞ்சிகைகளின் ஆசிரியராகவும் விளங் கினார்.
திரைப்படத்துறையிலும் ஈடுபாடு கொண்ட இவர் இணை இயக்குநராகவும் செயற்பட்டார்.
கொழும்புத்துறையைப் பிறப்பிட மாகக் கொண்ட இவர் உதவி அரசாங்க அதிபராகவும் பணியாற்றியிருந்தார். (அ)

யோகநாதன் பற்றிய மேலதிக விபரங்கள்

http://uthayan.com

மேலதிக விபரம் குடும்ப தொடர்பு விபரத்துடன் இணைத்துள்ளேன்.

செல்லையா யோகநாதன்

(முன்னால் உதவி அரச அதிபர்பிரபல எழுத்தாளர்)
கொழும்புத்துறையை பிறப்பிடமாகவும், நல்லூரை வதிவிட மாக வும் கொண்ட செல்லையா யோகநாதன் நேற்று (28.01.2008) திங்கட் கிழமை காலமானார்.
அன்னார் செல்லையா தம்பதியினரின் அன்பு மகனும், சிவராமலிங்கம் தம்பதியினரின் மருமகனும், சுந்தரலட்சுமி யின் அன்புக் கணவரும், Dr.சத்யன்(U.k), Dr. ஜெயபாரதி (கொழும்பு) ஆகியோரின் அன்பத்தந்தையும் ஆவார்.
அன்னாரின் இறுதிக்கிரியைகள் அவரது இல்லத்தில் நாளை (30.01.2008) புதன் கிழமை நடைபெற்று பூதவுடல் முற்பகல் 10 மணிக்குத் தகனக்கிரியைக்காக செம்மணி இந்து மயானத்திற்கு எடுத்துச் செல்லப்படும்.
இந்த அறிவித்தலை உற்றார், உறவினர், நண்பர்கள் அனை வரும் ஏற்றுக்கொள்ளவும்.
Information:
தகவல்:
குடும்பத்தினர்.
4/4,மூத்த விநாயகர் முதலாம் ஓழுங்கை,
கச்சேரி நல்லூர் வீதி, யாழ்ப்பாணம்.
TP.021 222 7021

http://www.uthayanweb.com/Death_Notice_View.php?d=OB08012903

தமிழ்மணம் வாசிப்பில் . . .

2007-06-27T01:29:00.000-07:00

தமிழ்மண வாசிப்பில் பூங்காவிற்காக கடந்தவார பதிவுகளில் எனை கவர்ந்த பதிவுகள் பற்றிய பதிவு இது.

தமிழ்மணத்தில் உலாவும்போது எதேச்சையாக ஒரு சில பதிவுகள் எம்மை கவர்ந்திழுக்கும். அதற்குக் காரணமாக சில சமயம் பதிவுகளின் தலைப்புக்கள் அல்லது பதிவை எழுதிய, அறிந்த, நண்பர்கள் அல்லது சமீபகால சர்ச்சைக்குரிய செய்திகள் என்று ஏதோ ஒரு காரணம் இருக்கும். .அப்படி எதேச்சையாக பார்த்த கவர்ந்த சில பதிவுகள் பற்றி இங்கு குறிப்பிடுகிறேன்.

நீங்களே நேரில் படித்து பார்க்கவேண்டும் என்பதற்காக எனது தெரிவைப்பற்றி நான் அதிகம் நீட்டி முழக்கவில்லை.நீங்களே படித்து பாருங்கள்; முடிந்தால் அவர்களுக்கு ஒரு பின்னூட்டம் போட்டுவிடுங்கள்.

1.இந்தியாவில் கேரளாவில் குடியேறிய யூத மக்களைப்பற்றிய கானா பிரபாவின் ஒரு கட்டுரை.

http://ulaathal.blogspot.com/2007/06/blog-post.html

ஆதாரமாக வரலாற்று விபரங்களையும் தான் சுற்றுப்பயணத்தின் போது கண்ட விபரங்களையும் கூறியிருக்கிறார்.
அண்மையில் இந்தியாவில் இன்னொரு மாநிலத்திலிருந்து(பெயர் மறந்துவிட்டது) யூத இனத்தினரை பலவித இழுத்தடிப்புகளுக்குப் பிறகு இஸ்ரேல் தமது நாட்டுக்கு அழைத்து கொண்டதாக வாசித்திருந்தேன்.
பாண்டிச்சேரி தமிழர்கள் பலருக்கு ப்ரான்ஸ் குடியுரிமை இருப்பதுபோல், கேரளா யூதர்களுக்கும் இப்படி ஏதாவது ஏதாவது வசதி இருக்கிறதா தெரியவில்லை.

2.காவல்துறையினரோடு ஓர் அனுபவம்

http://dharumi.blogspot.com/2007/06/224.html

தமிழகக்காவல்துறை பல சாதனைகளை செய்திருந்தாலும், எப்போதும் தினசரியாகவிருக்கட்டும் திரைப்படமாகவிருக்கட்டும் தாக்குதலுக்குள்ளாகிக்கொண்டே இருக்கும்.
திறமையானவர்களை ஊக்குவித்து ஒரு நேர்முகம் தொலைக்காட்சியில் காண்பிப்பதோ அரிதிலும் அரிது.
அதனால் சற்று வித்தியாசமாக இந்தக் கட்டுரை எனது கண்ணில் பட்டது.
இந்தப்பதிவில் ஒரு பொதுமகனாக பொறுப்புணர்ச்சியுடன் ஒரு வலைப்பதிவரும், அதை அக்கறையுடன் காது கொடுத்துக் கேட்டு, செயல்படுத்திய காவல்துறையும் சற்று வித்தியாசமாக இருந்தது.
வலைப்பதிவைத் தருமி சரியாகவே பயன்படுத்துகிறார்.

3. http://masivakumar.blogspot.com/2006/06/blog-post_21.html

மிகப் பிரயோசனமான கட்டுரை.ப்அகலக்கால் வைக்க விரும்புவோருக்கான சிவகுமாரின் அனுபவரீதியான கட்டுரை. படிக்கவேண்டியதொன்று.
இங்கு இடப்பட்டுள்ள பின்னூட்டம் கூட சுவாராஸ்யமானது.

4. http://wandererwaves.blogspot.com/2007/06/6.html

சில வலைப்பதிவுகள் மாம்பழசீசன் பலாப்பழசீசன் என்பது போல சில சீசன் பதிவுகளைத்தாங்கிவரும்.அந்த சமயத்தில் அது குறித்து பலரும் பலவிதகோணங்களில் எழுதுவார்கள். தற்சமயம் சிவாஜி சீசன்.
எனக்கு பிடித்த நவரசநாயகன் பெயரிலியும் இது குறித்து ஒரு கட்டுரை வரைந்துள்ளார். இவரது கட்டுரைகளில் கோபம் நக்கல் நையாண்டி அதனுடன் தமிழும் சேர்ந்து விளையாடும் என்பது தனிச்சிறப்பு.

5.மெட்டி ஒலி" என்றொரு மூணரை வருட அவஸ்தை .

http://ssankar.blogspot.com/2005/06/blog-post.html

யதார்த்தத்தை வெளிப்படுத்திய ஒரு கட்டுரை.நானும் எங்கள் வீட்டில் அரசிக்கு அடிமை. இணையத்தில் எப்படியும் கலைத்துப்பிடித்து பார்த்துவிடுவேன்.
அதிக ஓவர் சென்டிமன்டல் இல்லாதிருப்பதும் ராதிகாவும் ஒரு காரணமாக இருக்கலாம்.

சீரியல் என்றொரு அவஸ்தை ஒரு புறமிருந்தாலும் ஒரு சில தனித்து வாழும் முதியவர்களுக்கு அது ஒரு பேச்சுத்துணையாகவிருப்பதைப் பல குடும்பங்களில் கண்டிருக்கிறேன்.

6.ஆறினால் அந்த சினம் பயன்படுமா ?

http://naachiyaar.blogspot.com/2007/06/blog-post_20.html

மிக நகைச்சுவையாகவும் அதே ரீதியில் அனுபவரீதியிலும் வல்லிசிம்ஹன் எழுதியுள்ளார் .பதிவின் முடிவில் அவர் எழுதிய, " நாளைக்கு மிச்ச கோபம் பார்க்கலாம்" என்ற வரி பதிவிற்கு மேலும் தனிச்சிறப்பை கொடுத்துள்ளது.

7.எங்கள் வீட்டில் அடிக்கடி நெட்டுரு போடப்படும் மந்திரம்.

http://reallogic.org/thenthuli/?p=230

அதனால் இந்தக் கட்டுரையின் அருமை சட்டென்று புரிந்தது.நன்றி பத்மா அர்விந்த்.

8. http://thoduvanamnamullathil.blogspot.com/2007/06/blog-post_22.html

மழையை ரசிக்க வாயேன்

//ரெண்டு நாளாவே இங்கே பங்களூர்லே மப்பும் பந்தாரமுமா இருக்கு. ராத்திரியெல்லாம் ஜோறா மழை கொட்டோக்கொட்டுன்னு//

இப்படி ஆரம்பிக்கும்போதே கட்டுரையை முழுதாக படிக்க ஒரு ஆர்வம் தோன்றுகிறது.
மழையை ரசிக்காதோர் உண்டா?மிக அனுபவபூர்வமாகவும் யதார்த்தமாகவும் தீபா எழுதியுள்ளார்.

9.இராஜஇராஜ சோழன் பற்றிய ஒரு பயணப்பதிவு.பல விபரங்களை கொடுத்துள்ளார். வாழ்த்துக்கள்.

http://yaathirigan.blogspot.com/2007/05/blog-post_8257.html

10.சிவாஜி - ஒரு தமிழ்த்துவ ஆய்வு.

http://padamkaadal.blogspot.com/2007/06/blog-post_19.html

தமிழில் நையாண்டி ரீதியிலான கட்டுரைகள் வரவு குறைவே.சோ மட்டுமே இதில் முன்னர் கோலாச்சிகொண்டிருந்தார்.
இப்போது வலைப்பதிவு வந்தபின்னர் 'இது' போலவே நிறையவே வருகின்றது.படித்துப்பாருங்கள்.

11.சினிமா டிரெயிலர்கள் சொல்லும் வாழ்க்கை தத்துவங்கள்..நல்லதொரு வாழ்க்கைத் தத்துவக்கட்டுரை. துணிந்து ஒப்பிட்டு எழுதியுள்ளார்.

http://nunippul.blogspot.com/2007/06/blog-post_14.html

12.எனக்கு பிடித்த வலைப்பதிவாளர். சீரியஸான விடயத்தை நகைச்சுவையாகவும் நகைச்சுவையை சீரியஸாகவும் சொல்வார் :)

இவரது இந்தக் கட்டுரை, யுத்தமற்ற சூழல்

http://sayanthan.blogspot.com/2007/06/blog-post_19.html

பற்றிப் பேசுகிறது; பதிவு செய்கிறது .
அனுபவித்தவர்களுக்குத்தான் யுத்தமும் அதன் வலியும் புரியும்.இழந்த காலங்கள் இழந்ததுதான்!

ஒரே ஒரு முறைதான் மண்ணில் வாழ்க்கை.அதனையும் இந்த மண்ணுக்காக யுத்த வனத்தில் தொலைத்துவிட்டு நடைப்பிணமாக எத்தனை பேர்?

புலத்திற்கும் கலைத்துவரும் இந்த யுத்தவாடையில் தம்மைத் தொலைத்தவர்கள் எத்தனை பேர்?

எனது நண்பர் ஒருவர் வீட்டில் செல் விழுந்து குடும்பத்தினர் அனைவரும் இறந்தார்கள்.புலத்தில் இருந்ததனால் அவர் மட்டும்தான் தப்பினார்.
அவர் செய்தி கிடைத்ததும் "எங்கடை வீட்டிலை மட்டும்தானா தமிழீழம் கேட்டார்கள்" என்று அழுதபடி என்னிடம் கேட்டதை, அந்த முகத்தை, இனி நான் ஆயுளுக்கும் மறக்கமுடியாது. இழந்தது இழந்ததுதான்.

யுத்தம் நாளை தீரும்.
அரசுகள் கை குலுக்கி கொள்வார்கள்.
இழந்த இழப்புக்களுக்காக வருத்தம் மட்டும் தெரிவிப்பார்கள்.
இதுவே நியதியாகும்.
அடுத்த தலைமுறை நகரும்.

வலைப்பதிவில் தரமான கட்டுரைகள் என்று பலவிருந்தாலும் வலைப்பதிவு என்று வரும்போது அந்த அந்த நேரத்தில் ஏற்படும் உணர்ச்சிகளை, கொந்தளிப்பை வெளிப்படுத்தும் பதிவுகள்தான் என்னை அதிகம் கவர்ந்தவை. அந்த ரீதியிலேயே இவை என்னை ஈர்க்க காரணமாகவிருந்தன.

எழுநா -பின்னூட்டத்திரட்டி

2007-05-11T01:46:00.000-07:00

"
எழுநா -பின்னூட்டத்திரட்டி

ஒரே இடத்திலிருந்து அனைவரது பதிவுகளிற்கும் வரும் பின்னூட்டங்களை
பார்வையிடலாம்.

தமிழ்மணத்துக்கோ தேன்கூட்டுக்கோ பாதிப்பில்லை.

பட்டை(Badge) தாரை தம்பட்டை ஒன்றும் உங்கள் பக்கத்தில் சேர்க்கத்தேவையில்லை .

கூகிள் ஆண்டவரே திரட்டுவதால் யார் வந்தார்கள் யார் போனார்கள் என்ற ஒரு
விபரமும் யாருக்கும் தெரியவராது.

அடி முடி தேடுவதுபொல் கடந்தகாலப்பின்னூட்டங்களையும் பின் வரிசையாகச்சென்று தேடலாம்.

தமிழ்மணத்திலோ அல்லது தேன்கூட்டிலோ அல்லது இரண்டிலும் இணைந்தவர்களோ இணையாதவர்களோ தமது பதிவின் பினனூட்ட திரட்டியை இதில் பார்க்கலாம்.

பலவீனம்
கூகிள் மூலம் இயங்கப்பண்ணுவதால் அது 5 நிமிடத்திற்கோ அல்லது அரை
மணித்தியால இடைவெளியிலோ திரட்டுவதைத்தான் பார்த்துக்கொள்ளமுடியும்.

பின்னூட்ட திரட்டி வசதி கொண்ட வலைப்பதிவுகளை மட்டும்தான் இதில் சேர்க்கமுடியும்.உதாரணமாக புதிய புளொக்கர் கணக்கு; வேர்ட்பிறஸ் போன்றவை.

தங்களது பின்னூட்டம் திரட்டப்படவில்லை என கருதுபவர்கள் பின்னூட்டத்தில் தங்கள்
தள முகவரியை கொடுக்கவும்.சேர்த்துக்கொள்வேன்.

இது உங்களுக்கு பயன்படுமாயின் இதற்கு ஒரு தொடுப்பு உங்கள் பக்கத்தில் தெரிவித்து மற்ற புதியவர்களுக்கும் அறிமுகப்படுத்துங்கள்.

பி.கு
எழுநா என்ற தனது இணையத்தள பெயரை பாவிக்க அனுமதி தந்த சயந்தனுக்கு நன்றி.

எழுநா -பின்னூட்டத்திரட்டி

test- ignore

2007-04-27T05:24:00.000-07:00

காத்திருப்பேன் உனக்காக..

2005-05-17T04:05:00.000-07:00

மற்றுமொரு பிரபல தமிழீழ செய்தித்தளம் புதினம் யூனிக்கோடுக்கு மாறியுள்ளது.ஒரு அரச ஆணையோ அல்லது ஒரு அரச பக்கபலமோ இல்லாது ஈழத்தமிழர்கள் யூனிக்கோடை ஏற்று தமது தளங்களைமாற்றிக்கொண்டு வருகிறார்கள்.

ஈழத்தின் பிரபல தினசரிகள் மூன்றும் (தினக்குரல் ,வீரகேசரி ஈழநாடு) யூனிக்கோடுக்கு மாறிவிட்டன..
தமிழ்நாட்டில் எங்கே பிரச்சனை எனத் தெரியவில்லை.வாழைப்பழத்தை உரித்துதீத்தி விடுமளவிற்கு செயலிகளையும் வலைப்பதிவுகளையும் உருவாக்கியிருக்கிறோம். அனைத்து உலக வலைப்பதிவாளர்களும் ஏன் என்று கேட்காமல் யூனிகோடை ஏற்றுக்கொண்டு அதில் வலைப்பதிவிடுகிறார்கள்.

திசைகள் துணிந்தளவிற்கு ஏன் இன்னமும் தமிழ் நாட்டின் ஒரு பத்திரிகையாவது துணியவில்லை...?
தந்தையர் நாடெனும் போதினிலே....
ஏக்கப்பெருமூச்சுத்தான் பிறக்கிறது:(

பி.கு சுஜாதா வாத்தியார் இது பற்றி கவனிக்கவே மாட்டாரா??

முத்துக்குளிக்க வாரீகளா?

2005-04-22T22:03:00.000-07:00

கூகுளித்து முத்தெடுத்திருப்பீர்கள்.இது வேறு...உள்ளதை வைத்து தமிழில் புதிதாக ஒரு மாபெரும் தேடி இயந்திரம் உருவாக்கியுள்ளேன்.
இந்த தொழில் நுட்பத்தை பாவித்து இனி தள நிர்வாகிகள்கூட தமது தளத்துக்கு ஒரு தேடியை உருவாக்கலாம்.

இந்தப் பக்கத்தை உங்கள் விருப்ப பக்கமாக (Favorit)ஆக்கிக்கொள்ளுங்கள்.செய்திகளாகவிருந்தாலென்ன இலக்கிய அரசயல் கூற்றாகவிருந்தாலென்ன தேடி அறிந்துகொள்ள மிகவும் உதவும்..

இதன் தொடுப்பு இங்கே http://www.suratha.com/search.htm

இனிமேல் இணையத்தில் தமிழ்த்தேடிஎன்பது புதிதாக தேவையில்லை என்பது தமிழிணையத்தின் பயணரான, பயனரான எனது அனுபவத்தில் உள்ள உண்மை.

எனவே அரசுகளோ தனியார்வலர்களோ இதற்குள் பணத்தையும் நேரத்தையும் சிந்தாமல் தமிழில் மிக முக்கியமாக உடனடியாகத் தேவைப்படும் செயலியான எழுத்து உணர்ந்து பேசும் செயலியொன்றை தயாரித்துவெளியிட்டேயார்களானால் விழிப்புலனற்ற எத்தனையோ தமிழர்கள் இதனால் பயனுறுவர்.இந்த செயலியே தமிழ்க்கணனிப் பாதையிலே ஒரு மைல்கல்லாகவும் அமையும்.

அன்புடன்
சுரதா
suratha hotmail.com

புத்தாண்டுப்புண்ணியம்

2005-04-13T23:40:00.000-07:00

புத்தாண்டு செய்தியாக திரு மாறனின் தமிழ்ச்செயலிகளின் கூட்டு பொதியொன்று இலவசமாக வெளியிடப்படுகிறதாக செய்தி வந்துள்ளது.
நேற்று திரு அலெக்ஸ் பாண்டியனின் பதிவில் இதுபற்றி எழுதியிருந்தார்.இப்போது இன்னமும் இது பற்றி விளக்கமாக விகடன் எழுதியுள்ளது.இந்தக் கட்டுரை ஆர்வத்தையும் ஆச்சரியத்தையும் ஊட்டுகிறது.

இந்த மின் தகட்டை பெற்றுக்கொள்பவர்கள் எனக்கு ஒரு பிரதி தருவார்களேயானால் புண்ணியம் கிட்டும்.suratha@hotmail.com

கோடு போடும் கோலம்.

2005-03-28T23:34:00.000-08:00

பின்னூட்டப் பெட்டிக்கான இறுதி(?) code ம் அதை இணைப்பதற்கான முறையையும் இணைத்துள்ளேன்.

யாரும் மிக எளிதான முறையில் இணைக்கலாம்.ப்ளாக்ஸ்பாட்டின் கோலம் மாறிவிடுமோ எனப் பயப்பட தேவையில்லை.

உங்கள் பக்கத்தில் இதனை வெற்றிகரமாக இணைத்தால் எனக்கு ஒரு பின்னூட்டமிடுங்கள்.

இங்கே பெற்றுக்கொள்ளலாம்

.நன்றி

பின்னூட்டப்பெட்டி சோதனை!

2005-03-07T02:13:00.000-08:00

இதனை சோதனை செய்து கருத்தை சொன்னால் பிழைகளை திருத்த அல்லது மேம்படுத்த இலகுவாயிருக்கும்.

எழுத தொடங்கி இடையில் பிழை திருத்தவேண்டிவரின் பிழையான சொற்தொடரை mark பண்ணிவிட்டு replace பட்டனை அமத்தி சரிசெய்யலாம்.

பெட்டியின் தோற்றமும் வடிவமும் சற்று திருத்தி மாற்றி அமைக்கவேண்டும். Comments சுட்டியை அமத்தி சோதனை செய்யவும்.

நில் கவனி காதலி

2005-03-02T23:41:00.000-08:00

அனைத்து தமிழ் இணைய ஊடகங்களிற்கான தமிழ் எழுதியை (Eelam Editor)அறிமுகப்படுத்தியுள்ளேன்.இதன் மூலம் இணையத்தளங்களிற்கு (Guestbook,comments,Phpforum,blogspot ) பின்னூட்டமிடல் ,கருத்து எழுதுதல் போன்ற சேவைக்கு இதனை இனி எளிதாக பாவிக்கலாம்.

மேலதிக விளக்கங்கள் ..
http://www.suratha.com/eelam-editor.htm

அன்புடன்
சுரதா

அடங்காத்தமிழ்

2005-02-22T02:13:00.000-08:00

திஸ்கி ரப் இருவகையிலும் அமைந்த இணையப்பக்கங்களை அலுங்காமல் நலுங்காமல் மிக விரைவில் யூனிகோட் இணையப் பக்கமாக மாற்றும் ஒரு துரித செயலி.

http://www.suratha.com/atamil.htm

p.s firefox பாவனையாளர்கள் மன்னிக்க.

ஊட்டமது கைவிடேல்

2005-02-15T14:34:00.000-08:00

பின்னூட்டப்பேழை ஓர் அவசர செய்முறை
சில நண்பர்களின் வேண்டுகோளிற்கு இணங்க இந்த பின்னூட்டப்பேழை நிரலியை ஒற்றி எடுத்து தமது ரெம்ப்பிளேற்றில் சேர்க்க கூடியவாறு கொடுத்துள்ளேன்.
முயன்று பார்க்கவும்.
மேம்படுத்தல் கருத்துக்களுக்கும் நன்றி

-suratha-

எண்

2005-02-11T03:14:00.000-08:00

பெயர் எண் கூட்டுத்தொகையை அறிந்திட உதவும் ஓர் எண் ஜோதிட செயலி

தந்திரமாவது நீறு

2005-01-26T01:10:00.000-08:00

RSS/XML அல்லது ஓடை என்பவற்றை உருவாக்கி அதனை மிக இலகுவாக எப்படி பாவனைக்கு விடுவது?இந்த RSS அடக்குவதற்கு சில சட்டதிட்டங்கள் உண்டு.அதனை அறிந்தால் அதன்பின்னர் சேமிப்பில்ஏற்ற சொந்த வழங்கி தேவை...இவையொன்றும் இல்லாமல் மிகச்சுலபமாக இதுபற்றி அறிந்திராத எவரும் இதனை தங்களது கட்டுக்குள் கொண்டுவரலாம்.

1.ஏதாவது ஒரு Blogger கணக்கு ஆரம்பியுங்கள்(உதாரணம் thinnai)

3.அதன்பின் title கீழ் உள்ள பெட்டியில் (body) அந்த நிஜமான போகி என்ற கட்டுரை அல்லது கவிதை சொல்லும் முதல் பகுதியை சேர்க்கவேண்டும்.

4.இனி வழமைபோல் Publish Post என்பதை அழுத்த காரியம் முடிந்தது.அவ்வளவுதான்.

இப்படி ஒரு தலையங்கத்திற்கு செய்ததுபோல மற்றைய முக்கிய தலையங்கங்களுக்கும் இதே முறையில் செய்ய சரி.

5.உங்கள் RSS முகவரி அதன் பின் இப்படி தோற்றமளிக்கும

http://உதாரணம்.blogspot.com/atom.xml

இதே போல் ஒரு இலக்கியதளத்தின் முக்கிய பகுதிகளை யாராவது சேவை நோக்கில் செய்தால் தமிழுக்கும் யூனிக்கோட்டுக்கும் புண்ணியம் உண்டாகும்.

எதிர்பார்க்கப்படும் தளங்களின் rss ஓடைகள்

திண்ணை,தற்ஸ்ரமில்கொம்,புதினம்,பதிவுகள்,sooriyancomமற்றும் பல.

பி.கு சரியானவிதத்தில் சொல்லவந்ததை சொன்னேனா தெரியாது.குழப்பம் இருந்தால் பின்னூட்டுக.

எம்.ஜி.ஆரும் ஒரு பாமர இரசிகனும்.

2005-01-16T13:56:00.000-08:00

எம்.ஜி.ஆரும் ஒரு பாமர இரசிகனும்

எம்ஜிஆரின் எண்பத்தெட்டாவது பிறந்ததினத்தை(17.01.2005- MGR 88) நினைவுகூரும் ஒரு எம்ஜிஆர் இரசிகனின் ஒரு சிறிய பின்னோக்கிய பார்வை.
- யாழ் சுதாகர்-

மணி கட்டினால் நல்லது.

2005-01-06T13:57:00.001-08:00

ஈழத்திலிருந்து இன்னொரு தினசரி பத்திரிகையின் (தினக்குரல்) இணையத்தளம் யூனிகோட் எழுத்துரு கொண்டு இவ்வருட ஆரம்பத்திலிருந்து வெளி வருகிறது.

ஏற்கனவே ஈழத்திலிருந்து வீரகேசரி, நமது ஈழநாடு பத்திரிகை தளங்கள் யுனிகோட்டிற்கு மாறியதை பற்றி இங்கு குறிப்பிட்டுள்ளேன்.

தினக்குரல் பத்திரிகை முன்னர் மாறுவதில் ஏற்பட்டுள்ள சிரமங்கள் குறித்து மயூரன் முன்னர் ஒருமுறை தனது பதிவில் இப்படி குறிப்பிட்டுள்ளார்.

எனது கருத்து:-

யூனிகோட் முறைமையில் தளங்கள் வெளிவருவது மகிழ்ச்சியாகவிருந்தாலும் தளங்கள் தம்மை
கூகிள் போன்ற தேடிகள் வசம் அகப்பட செய்தல்வேண்டும்..அப்போதுதான் இதன் முழுப்பயனையும் பெறலாம்.

தமிழகப்பத்திரிகைகளுக்கும் யாராவது மணி கட்டினால் நல்லது.

suratha
http://www.suratha.com

"இராவணன்"

2004-09-16T13:02:00.000-07:00

"இராவணன்"

இன்று போய் நாளை வா என இராவணனை ஏய்க்கமுடியவில்லை.பல மாதங்களாக கருவுண்ட இந்த செயலி ஒரு மாதிரியாக வெள்ளோட்டத்திற்கு தயாராக உள்ளது.

இந்த செயலி மூலம் உங்கள் ஆக்கங்களை இணையத்திலிருந்தபடியே இணைய பக்கமாக ஆக்கலாம்.எழுத்தாளர்கள் தங்கள் ஆக்கங்களை பத்திரிகை ஆசிரியரை குறை கூறாமல் தாமேசொந்தமாக வடிவமைத்து அனுப்பலாம்.நல்லது கெட்டதை இந்த செயலியை பரிசோதித்து அறிந்து கொள்க.

வழக்கம் போல் நிறையிருப்பின் நண்பர்களுக்கும் குறை இருப்பின் என்னிடமும் அறியத்தருக.திருத்த முயற்சிப்பேன்

http://www.suratha.com/leader.htm

நன்றி

2004-08-30T07:18:00.000-07:00

தமிழில் தொடர்ச்சியாக வெளிவரும்
செய்தித்தாள்கள் இணையத்தள வரிசையில் இரண்டாவதாக இப்போது யூனிக்கோட் முறைமையில் வீரகேசரியும் சேர்ந்துள்ளது.

(முதலாவதாக நமதுஈழநாடு பத்திரிகை)

இரண்டு பத்திரிகைகளும் ஈழத்திலிருந்து என்பது குறிப்பிடத்தக்கது.

தமிழகப்பத்திரிகைகள் என்றுதான் விழிக்குமோ???? :(

2004-07-14T04:08:00.000-07:00

பல வலைப்பதிவுகளின் புதுப்பித்தலை தேடி தேடி களைத்ததின் விளைவாகவும் புதியவையை அறிமுகப்படுத்தும் நோக்கமாகவும் எழுந்ததே இந்த ஊருலா வலைக்குடிலாகும்.

இதனை வலப்பதிவுகளின் எண்ணிக்கைக்கேற்றவாறு தற்சமயம் மூன்று பகுதிகளாகப் பிரித்துள்ளேன்

குடில் குடில்1 குடில்2

அவ்வப்போது சிலர் வலைப்பதிவுகளை புதிப்பிக்காது விடும்பட்சத்தில் அவை நீக்கப்பட்டும் புதியவர்கள் வரும்போது அந்தப்பதிவுகள் புதிதாக சேர்க்கப்பட்டுக்கொண்டுமிருக்கும்

புதியவர்கள் தமது வரவு இதனுள் சேர்க்கப்படாது இருந்தால் தெரியப்படுத்தவும்.

நிறையிருந்தால் நண்பர்களிடமும் குறையிருந்தால் என்னிடமும் தெரிவியுங்கள்.

அன்புடன்

சுரதா யாழ்வாணன்

2004-03-02T00:12:00.000-08:00

தமிழில் சிறு குடிலமைக்கும் முறை தற்சமயம் பிரபலமடைந்துவருகிறது.பற்பல வார்ப்புகளில் பற்பல நிறுவனங்களில் இலவசமாக அமைக்கமுடிகிறது.இந்த செயலிகளில் முதலாவதை திரு முகுந்தும் காசியும் பரியும் ஒரு வழிப்படுத்தினர்.அதற்குமுதல் MovableType என்னும் செயலி பற்றி திரு மாலன் முதலில் கவனப்படுத்தியிருந்தார். இதனை தமிழ்படுத்த இருப்பதாக வெங்கட் கூறியுள்ளார்.பல செயல்பாடுகள் அங்கொன்றும ் இங்கொன்றுமாக இயங்கிக்கொண்டிருக்கின்றன.
எல்லாவற்றிலும் MovableType திறமானது என ஒரு பேச்சு எழுந்தமையை எனது நண்பர் ஒருவருக்கு
தெரிவித்தபோது அவர் அந்த செயலியை எல்லோரும் பாவித்து அல்லது அதில் பழககூடியவாறு தனது இணையத்தில் தளம் அமைத்து தந்துள்ளார்.இதில் அவரவர் விரும்பும் பெயரில் தள முகவரியம் எடுக்கலாம்.

ஒரு சில சொற்தொடர்கள் மட்டும் தமிழாக்கம் பெற்று மிகுதி திரு வெங்கட்டின் முழுமைக்காக காத்துள்ளது.

இந்த மூவபிள் குடிலை பாவிக்க விரும்புபவர்கள் அல்லது அது பற்றி அறிய விரும்புபவர்கள் செல்லவேண்டிய சுட்டி

2004-02-11T03:21:00.000-08:00

கூட்டுப்பதிவுகள்

புதிதாக தமிழ் தெரிந்தவர்களுக்குமஇந்த வலைப்பதிவில் சற்று தொழில்நுட்ப ஈடுபாடு குறைந்தவர்களும் இலகுவில்இணையத்தில் குடில் ஒன்று அமைக்க யாழ் நெற் உதவுகிறது.
இதில் உள்ள அனுகூலம் என்னவெனில் தமிழிலேயே எல்லாவற்றையும் செய்துகொள்ளலாம் அத்துடன் இங்கு பதிபவர்களது தளங்களைபிறிதொரு தளத்திற்கு அலையாது புதுப்பிக்க புதுப்பிக்க எல்லோரது பதிவுகளையும் ஒரே பக்கத்திலேயோ தனியாகவோ பார்ததுக்கொள்ளலாம்
முயன்று பாருங்களேன்.

2004-02-02T03:04:00.000-08:00

மீண்டும்

நீண்டடடடடடநாட்களின் பின் இதற்குள் நுழைந்துள்ளேன்.அதற்குள் பல விடயங்கள் நாட்பட்டுவிட்டன..அரதப்பழசாகிவிட்டது என்று கூட சொல்லலாம் .உதாரணமாக இந்த தானிறங்்கி எழுத்துரு விடயம்.
இது பற்றி எழுதுவதற்கு என்னிடம் ஒரு புத்தகம் போடுமளவிற்கு விடயம் இருக்கிறது.இருந்தும் அவ்வளவற்றையும்்இப்போது உமர் 4 வரிகளுக்குள் அடக்கிவிட்டார்.

இன்னும் விளக்கமாக சொல்லப்போனால்..இதன் தத்துவமே இந்த தானீறங்கி எழுத்துருவை அமைக்கும்போது
நீ இந்த இந்த வீடுகளுக்கு மட்டும்தான் போகலாம் என்று கண்டிப்பாக சொல்லிவிடவேண்டும்.எனவே அந்த
எழுத்துருவை வேறு ஒருவர் இலகுவாகப் பாவிக்கமுடியாது.அப்படி அவர் பாவிப்பதானால் அவார் தனக்கென்று தனீயாக
ஒரு தானிறங்கி எழுத்துரு சேய்யவேண்டும்.

ஒரு இணையத்திற்கு புதியவராயின் இந்தவிடயம் சிதம்பர சக்கரம் பார்த்ததுபோலவே இருக்கும்.இவர் அவரிடம் கேட்டு
அவர் இவரிடம் சொல்ல சில புரிந்து பல புரியாமலிருக்க மீண்டும் சிதம்பரம்தான்.

இந்த பிரச்சனைகளை உமர் ஒரு குறுக்குவழி மூலம் தீர்த்துள்ளார்.அதுவும் யூனிக்கோட் வகைக்கு மட்டுமே செய்துள்ளாாார் என்பதுவும் ஒரு நற்செய்தி.இதன் மூலம் யூனிக்கோட் தளங்கள்பெருக ஒரு வசதி

இனி சிறிய விபரணம் ஒன்று

உங்கள் தளங்களில் இதை பொருத்த உமரின் தேனீ thenee.eot என்ற கோப்பை அல்லது எழுத்துருவை ஏதாவது ஒரு
தளத்தீல் ஏற்றவேண்டும்.அல்லது அது ஏற்கனவே ஏற்றப்பட்டுள்ள ஒரு முகவரியை உங்கள் தொடுப்பாக கொடுக்கவேண்டும்.

உதாரணமாக<style type="text/css">

@font-face {

font-family: TheneeUniTx;

font-style: normal;

font-size: 9pt;

font-weight: normal;

src: url(http://www.suratha.com/THENEE.eot);

}

-->

</STYLE>

பின்னர் நீங்கள் எழுதும் யூனிக்கோட் எழுத்துருவகையை குறிப்பிடும்போது அதில் TheneeUniTx என்ற எழுத்துருவின் பெயரும் இருத்தல் வேண்டும்.

உதாரணம்
body{margin:0px 0px 0px 0px;font-family:"TheneeUniTx,Latha,aAvarangal,
TAU_1_ELANGO_Barathi,TSCu_InaiMathi,TSCu_ArulMathi,
TSCu_InaiKathir,InaiKathir_Unicode,Code2000,InaiMathi_Unicode
,InaiKathir_Unicode,Latha,Arial Unicode MS"}

அதன் பின் உங்கள் இணையப்பக்கத்தை ஒருவர் சிதம்பரத்திலோ அல்லது சிக்காக்கோவிலோ இருந்துகூட
தமிழில் எந்தவொரு எழுத்துருவுமில்லாது படிக்கலாம்.

முடிந்தால் உங்கள ் இணையப்பக்கம்பற்றி உமருக்கு ஒரு வரி எழுதிவிடுங்கள்.

2003-08-02T15:07:00.001-07:00

டைனமிக் பொன்ற் உருவாக்குவது எப்படி ஓர் ஒலி விபரண விளக்கம்.

இனி Blogspot தளங்களில் எவ்வாறு தானிறங்கி எழுத்துருவை
கட்டளையை சேர்ப்பது எனப்பார்ப்போம்

1.முதலில் மேலே குறிப்பிட்டபடி வெப்ற் செயலி மூலம் நீங்கள் செய்த டைனமிக் பொன்ற்
கட்டளை வடிவத்தை
கீழே காணும் படத்தில் குறிப்பிடுவதுபோலே சொல்லபபட்ட இடத்தில் உங்கள் weft template
பகுதியில் உட்புகுத்தவும்.

photo1

2.அதன் பின் கீழே காட்டிய படத்தில் உள்ளவாறு உங்கள் எழுத்துருவை
தெரிவுசெய்து Body(margin
என இருக்குமிடத்தில் மாற்றவும்.மாற்றும்போது கவனமாக பந்தி கொமா
என்பவனவற்றை கவனித்து மாற்றவும்
சிறு பிழையாயினும் சிலசமயம் வேலை செய்ய மறுக்கும்.

photo 2

3.நான் கீழே கொடுக்கும் பந்திபோலே மாற்றினால் இலகு .
முதல் உங்கள் டைனமிக்
பொன்ற் பெயர் வரும் .பின்னர் மற்றைய யூனிக்கோட் எழுத்துருக்கள்...இவை டைனமிக்
பொன்ற் வேலை செய்யாத ப்றவுஸரில் மற்றைய உள்ள
எழுத்துருக்களைக்கொண்டு வேலைசெய்யும்.

body{margin:0px 0px 0px 0px;font-family:"TheneeUni,aAvarangal,
TAU_1_ELANGO_Barathi,TSCu_InaiMathi,TSCu_ArulMathi,
TSCu_InaiKathir,InaiKathir_Unicode,Code2000,InaiMathi_Unicode
,InaiKathir_Unicode,Latha,Arial Unicode MS"}

இனி save பண்ணிவிட்டு publish செய்ய உங்கள் பக்கம் தானிறங்கி எழுத்துருமூலம் இயங்கும்.

2003-07-22T13:58:00.000-07:00

கீழே உள்ளது அரதப் பழசு.தமிழ்மணம் இப்போதுதான் திரட்டுகிறது..இதுதூன் புதிய இடுகை

குடியிருக்க ஒரு குடில்!

குடில் அமைத்திடும் முறை- ஓர் செய்முறை விளக்கம்-

1.முதலில் கீழே குறிப்பிட்ட முகவரிக்கு சென்று அங்கே உங்களுக்கு விருப்பமான பெயரில் தளத்தை பதிந்துகொள்ளுங்கள்.சிறிய சுருக்கமான பெயராயின் நன்று .

http://www.blogger.com/

அதன்பின் அரங்கேறுபவையும் விளக்கமும்

1.start1.jpg
2.start2.jpg
3.start3.jpg
2.start4.jpg
2.start5.jpg
2.start6.jpg
3.start7.jpg
2.start8.jpg
2.start9.jpg
2.start10.jpg
3.start11.jpg
2.start12.jpg
2.start13.jpg

முதல் பாகம் முற்றுப்பெற்றது.

suratha@hotmail.com